Buscamos maragotas e pintos marcados

Estamos a punto de empezar o marcado de pintos e maragotas con marcas tipo T, como as da imaxen, na Ría de Vigo. Deixamos aquí o cartel correspondente coa campaña de marcado. Enbreve daremos mais información sobre a mesma.

Mostraxe biolóxico

Na última mostraxe de abadexo atopamos o maior exemplar ata o momento. Un magnífico exemplar de abadexo macho que superada os sete quilos.

Estes exemplares de gran talla, así coma os máis pequenos, son especialmente valiosos. Tentarei explicar porque.

Dentro do proxecto ARTEVIGO existe unha gran parte dedicada ó potencial reprodutivo das dúas especies obxectivo: abadexo e pinto/maragota. O peixe o compramos directamente nas principais lonxas da Ría de Vigo (Baiona, Vigo, Cangas). A mostraxe lévase a cabo nas instalacións do IIM en Vigo. Ademais de anotar a talla e peso do individuo recollemos mostras biolóxicas de gónada e outros tecidos (fígado e músculo). Tamén gardamos os otolitos. A gónada utilizarase principalmente para determinar o estado de madurez por métodos histolóxicos e para estudios de fecundidade.

Clasificación de los diferentes estados de desarrollo de los oocitos: crecimiento primario (primary growth stage), alveolos corticales (cortical alveoli stage), vitelogénesis (vitellogenic stage), hidratados (hydrated oocyte), folículos postovulatorios (postovulatory follicle), atresi (atretic oocytes).

O peixe non se desaproveita e tras o mostraxe poñémonos en contacto cunha organización benéfica que xestiona un comedor social para que dean boa conta del.

Como diciamos anteriormente as tallas maiores, difíciles de atopar, son especialmente importantes , por exemplo, en estudios de fecundidade. Con estes estudios de fecundidade intentamos definir cal e a curva que describe a influencia do tamaño do individuo na produción de ovos. Polo tanto se temos individuos de moi poucas tallas esta curva será de pouca utilidade. Ademais estes individuos sérvennos para cuantificar de algún xeito a importancia que teñen estes individuos tan grandes para a supervivencia da poboación e o futuro da pesquería.

Para maior información a este respecto recomendo a lectura do seguinte artículo:

"The importance in fishery management of leaving the big ones"

Charles Birkeland and Paul K. Dayton 2005 (TRENDS in Ecology and Evolution)

De este traballo cabe destacar a seguinte afirmación: “[…] The protection of larger or older individuals is necessary for the sustainability of species currently exploited by humans […]”

Certos autores proponen, para lograr este obxetivo, unha xestión baseada na creación dunha rede de reservas mariñas:

"Fisheries Sustainability via Protection of Age Structure and Spatial Distribution of Fish Populations

Berkeley et al. 2004 (Fisheries)

“[…] We examine alternative management measures that address these specific issues and conclude that the best and perhaps only way to ensure old-growth age structure and complex spatial structure in populations of groundfish is through interconnected networks of marine reserves […]” Pero disto xa teremos ocasión de falar en outro momento.

En resumen que non chega coa máis que referida frase de PEZQUEÑINES NON, GRACIAS.

Cantidade e calidade

O sábado dous membros do equipo fixemos unha inmersión para localizar puntos quentes de abundancia das especies obxetivo do proxecto. O resultado foi esperanzador, pois demos cun punto de gran abundancia de maragotas e pintos de gran tamaño, e cunha densidade realmente fóra do normal. Poder se unha boa opción para estudios de telemetría, ou incluso de censos submarinos ou estudios de comportamento. Os abadexos, en cambio, seguen desaparecidos nesta época do ano. Non hai manera de conseguilos para os muestreos mensuais. O que si observamos neste (e outras) inmersións, foi unha grande cantidade de corbelo pequerrecho, inmaduros.
Deixamos un video de mostra, a calidade non é gran cousa pero os medios dos que dispomos tampouco dan para moito.
Aproveitamos para agradecer a Christian pola disponibilidade de embarcación.

Conferencia Internacional sobre Telemetría de Peixes

O ano que ven terá lugar en Xapón a Primeira Conferencia Internacional sobre Telemetría de Peixes. É un acontecemento importante para todos aqueles que estean a traballar neste campo ou teñan pensado facelo en proxectos futuros, xa que seguro que se exporán as metodoloxías mais novedosas e as empresas fabricantes presentarán as novidades. Nós estamos a punto de empezar coas primeiras probas para fazer seguimiento activo das nosas especies, esperemos poder chegar a tempo á conferencia.
A cita terá lugar na Universidade de Hokkaido, situada na illa do mesmo nome, no norte do Xapón. As datas importantes aínda non están publicadas, pero sí os días da conferencia, que será entre o 12 e o 18 de xuño de 2011.

Presentación no IIM

Deixamos aquí a presentación de onte no IIM.

Proyecto Artevigo

View more presentations from artevigo.

Presentación do proxecto no IIM

Mañan as 13:00 presentarase o proxecto no salón de actos do IIM. Falaremos de cómo naceu o proxecto, obxetivos e tarefas que temos por diante. Se alguén axeno ó IIM está interesado en vir pode poñerse en contacto con nós.

Pesca deportiva

Cando se trata de xestionar as poboacións de peixes litorais, hai que ter en conta todos os factores que están acttuando sobre elas. No caso de estudio que nos ocupa en Artevigo -peixes litorais de Galicia- o maior factor de presión sobre estas especies é a pesca artesanal. Pero estas mesmas especies podénse ver afectadas por outras causas de orixe antropoxénico, que aínda que de menos importancia, teñen que ser avaliadas e consideradas para unha xestión integral dos recursos. Falo por exemplo de alteracións de hábitats esenciais para os peixes, como zonas de reclutamento ou cría, por medio de construccións de portos deportivos ou recheos, e falo tamén da pesca recreativa. A pesca recreativa en Galicia é unha actividade moi popular, que sen embargo está todavía sen cuantificar en canto ó efecto que está a provocar nas poboacións de peixes litorais. Este poderá ser o obxeto de un proxecto futuro para o noso grupo, e só daquela poderemos calcular o peso específico da pesca profesional e deportiva na nosa costa. Noutras zonas de España, isto xa se está a cuantificar (proxectos Roquer e Conflict en Mallorca), e de feito o ano que ven terá lugar en Berlín a 6 Conferecnia mundial sobre pesca recreativa. Deixamos aquí o enlace para quen lle interese.

6th World Recreational Fishing Conference, August 1-4, 2011, Berlin

Conference Theme

Toward Resilient Recreational Fisheries