miércoles, 13 de abril de 2011

Marcado de maragota 2011

A semana pasada empezamos a temporada de marcado de maragota de 2011. Non foi o mellor día, pero conseguimos marcar 55 peixes en varios puntos de dentro e de fóra da Ría. Obxetivo: chegar ós 1200 peixes en outubro. Van 6 recapturas...




sábado, 9 de abril de 2011

Experimento de telemetría


Despois de mais de 50 horas de inmersión e dous meses no mar, por fin temos montado o experimento de telemetría. Deu traballo localizar un sitio adecuado para este estudio. Buscábamos unha zona con abundancia de maragota e pinto, protexida do mar de fondo e dos vendaváis do norte, e cunha intensidade pesqueira baixa... Isto último é practicamente imposible na Ría de Vigo, pero os outros requisitos están cumplidos. Localizado o sitio, todo se precipitou, e en 3 días conseguimos marcar 23 peixes con emisor acústico. Mais tarde conseguiríamos marcar outros 3 peixes ata chegar a un total de 26. En dous días mais, instalamos os receptores no fondo. Todo isto aproveitando unha ventana de bo tempo xusto a continuación dos temporais de mar de fondo enorme de febreiro.
Agora, estes peixes estarán comunicándose con receptores durante o próximo ano e medio, se todo vai ven. Só entonces saberemos qué fan as maragotas debaixo do mar, se os machos teñen un territorio e non se moven, se hai algún tipo de migración reproductiva, ou se fenómenos naturais como as mareas e os temporais sacan o peixe dos laños, como se soe decir, etc...
O traballo que queda por diante, sen embargo, aínda é moito: mantemento dos receptores, descarga de datos e posible marcado de algún outro peixe mais adiante, ademáis de solucionar os imprevistos que seguro apareceran.